सञ्जिव पछाइ
भदौ ३०, दाङ ।
नेविसंघ महेन्द्र बहुमुखी क्याम्पस इकाइ दाङको पहलमा आज मंगलबार रक्तदान कार्यक्रम सम्पन्न भएको छ । दाङमा रगतको कमी भएपछि रगत चाहिने बिरामीका लागि समस्या आउन थालेपछि नेविसंघले आफूलाई सामाजिक जिम्मेवारीका रुपमा उभ्याएको हो ।
दाङको ब्लड बैंकमा रगतको अभाव भएको र रगत आवश्यक परेका बिरामीका लागि सकस हुन थालेपछि ब्लड डोनेसन कार्यक्रमको आयोजना गरेको नेविसंघले जनाएको छ ।
कार्यक्रममा २७ जनाले रक्त दान गरेका थिए । विद्यार्थी हकहितका लागि काम गर्दै आएको नेविसंघ पछिल्लो चरणमा सामाजिक उत्तरदायित्वका काममा पनि सक्रिय रहँदै आएको छ । रक्त दान नै जीवन दान हो भन्ने मान्यतालाई शीरोधार्य गर्दै रगतको अभावमा कसैले ज्यान गुमाउन नपरोस् भनी रगतको कमी हुन नदिनका लागि यस्तो कार्यक्रमको आयोजना गरेको नेविसंघले जनाएको छ ।
नेविसंघ इकाइका सभापति शिवराज खनालको अध्यक्षतामा सम्पन्न कार्यक्रमको सहजीकरण सचिव कुलराज पोख्रेलले गरेका थिए ।
