महाराज कि जय ! – Kanika Khabar
Friday, March 29Nepali News Portal

महाराज कि जय !

    मा प्रकाशित


सत्ता निरंकुश हुन्छ,हुन खोज्छ । यो राजनीतिक सिद्धान्तबाट निशृत भएको सत्यप्रति असहमति जनाउनु परेन । तर सत्ताको भर्र्याङ् जनता हुन् ,सत्तामा पुगेसी पहिले भर्र्याङ् फाल्नेहरुले बाउलाई डोकोमा हालेर फाल्न लैजाँदा छोरोको आग्रह किन बिर्सेको रु कि महाराजका “टार” तिरका मानुसपुत्र त्यसो भन्दैनन् हो रु होला पनि किनकि हजुरका नाममा तिनीहरु लुटको खेती गर्न ब्यस्त छन् नि । जिन्दगीमा जागिर खाको छैन, गाउँबाट आउँदा किनेको स्टोभ र कुच्चेको डेक्ची फाल्न भ्याको छैन, तर अहिले चिल्लो गाडी र आलिसान महल छ । हजुरलाई तिनको सान र सौकत कसरी आयो भनेर सोध्न जरुरी या समय छैन,हुन पनि हुँदैन किनकि कोरोनाको कहरमा पनि यिनैले त हो हजुरको सपरिवारलाई मार्सी खुवाउने ।
हजुरको नारा “समृद्ध नेपाल सुखी नेपाली” प्राप्त भयो भनेर घेरा हालेर बस्नेले भनेका होलान् । कम्जोर जगमा उभिएका,जनताबाट कहिल्यै निर्वाचित हुन नपर्ने,हिम्मत गरे वडा सदस्य बन्ने हैसियत पनि जनताले नदिनेले भन्ने नै त्यही हो —महाराजको “समृद्द नेपाल सुखी नेपाली” साकार भै सक्यो । हजुरले कसरी यति छिटो त भनेर मर्जी भो भने हुतिहारा महाजनले जाहेर गर्छन् – महाराज हामी “टार”को “बालुवा”मा बस्ने या “खुमल” भर्ने,सिन्को नभाँच्नेको त यत्रो प्रगति छ,काम गरेर फुर्सद नै नहुने नेपाली त कहाँ पुगे कहाँ रु भन्लान् । अनि हजुरले काजु खाँदै चाँदीको कचौरामा थुक्दै समृद्धि हेर्न दरबारमार्ग छिर्नु पर्ला । पहिले छाक टार्न सुटुक्क छिरेको ९हजुर नपुगेको पनि हुन सक्छ,तर धेरै गएका छन् ० नारायणहिटी पनि त्यतै छ । तर हजुर त्यता नजर नबक्सेला,त्यही एउटा बाँकी हो हजुरको पालामा आफ्नै हिमालतिरको “यति”पाल्नु पर्छ त्यहाँ । दरबारमार्ग कालो चस्मा लगाएर इस्टकोटमा घुमेसी हजुरलाई बिस्वास हुन्छ कति समृद्ध अनि शान्त छ हजुरको राज । गाउँ र त्यहाँको दुख हेर्न अहिले जानुपर्दैन । चुनाबमा जाने हो,नत्र पैसा पठाम्ला,भोट पार्सल गर्छन् नि जनताले।
अझ रमाइलो कुरा हजुरलाई प्रश्न सोध्नै पाइँदैन भन्दिनु पर्यो । रैतीले प्रश्न सोध्ने होइन, हुकुम तामेल गर्ने हो । हजुरका बिस्वासपात्रले कर तिर भनेको बेला जनताले कर तिर्ने हो,तिरेकै छन् । लकडाउन गरेको छ, ढुङ्गा पकाएर आफू नि खाउ,बच्चालाई पनि खुवाउ भनेसी खुरुक्क घर भित्र बस्ने हा े। बत्ती बाल्ने, १०५ छुट छ । इन्ड्क्क्सनमा पकाउने, १५५ छुट छ । किरा मिसिएको सही चामल भएनी सित्तै बाँडेको छ त,भेटे पकाएर खानु,नभेटे हेरेर अघाउनु । महाराज हजुरको राज्यमा निषेधाज्ञा गारो भो,लकडाउन बक्स होस् भन्छन् ९तथास्तु भन्दिने हो । नत्र प्रश्न सोध्ने अराजकहरुलाई सामाजिक सन्जाललाई सोध भन्दे हुन्छ । त्यसले नपुगे हुक्के,बैठके अनि नन्दी भृङ्गीमार्फत टिभीमा उज्यालो काजु खाको अनुहार देख्न पाइएको छ भनेर चित्त बुझाउ भन्ने हो । अलि अलि रोग अनि हप्ता दिनको भोक त त्यतिकै बिसेक हुन्छ जनताको ।
कोरोना पनि केही होइन हामीलाई, हजुरहरु चाहिँ सुरक्षित रहुनुहोला यति भए पुग्छ । जनतालाई उनैको पैसोमा जहाज चढाइदेकै छ,चार तारे होटेलमा राख्देकै छ, मृत्यु भएसी नै सही पोजिटिभ रिपोर्ट देकै छ । यति गर्दा नि नदेख्नेलाई पक्कै मोतिबिन्दु छ होला । बरु हजुरको परीक्षण सकिएको भए झगडा गर्न हजुरको तिर बेला बेला “अगेना”मा झगडा पकाउनेको पनि परीक्षण बक्सेला । पुग्यो भने सत्तामा सेवा गर्दागर्दा दुख पाका उहाँका आफ्नै घर र नाताका गोडा एक दर्जनको पनि गर्दिन हुकुम बक्सेला। नम्बर नि बढ्छ,सत्रु नि खुसी हुन्छन् । दाउरामा पक्कु पकाएर खान्छन् । दैनिक संक्रमितको संख्या अलि थप्दिबक्सेला,मृतकको संख्या थप्न पर्दैन, आफै जनता सोत्तर हुन्छन् ,गणक पठाए पुग्छ । बरु हजुरहरु, फ्यानहरु अनि सामाजिक सञ्जालमा खटाइएका “टार” तिरका मट्टारेहरुको बरु दैनिक अझ दिनमा दोहोरो परीक्षण गर्नुपर्ला । यसो गर्दा ढुकुटीको अर्ब घट्छ, भान्छेहरुको करोड बढ्छ नि । अनि अरु थप केहिको समृद्धि थपिन्छ । बरु भान्छे यहि कोरोनामै परिवर्तन गर्दा बेस हुन्छ कि हजुर । यसो गर्दा थप बिचौलिया,माफिया अनि आफन्तले ठुला भिल्ला बनाउँछन् नि,पछि झगडा पर्दा या सुकला गर्न मन लाग्दा “साउना” लिने ठाउँ थपिन्छ नि । यसै नि हजुरलाई टावर मोह छ ।
हजुरलाई गाथ गादीमा कस्तो छरु कतिले यतिबेलै “आबे”ले स्वास्थ्यकै कारण देखाएर २००६ देखिको जनताको सेवा छाडे भनेर मुसे स्वरमा भने भन्ने सुनेँ। तिनलाई जागिर सकिएका बारम्बार थपिएका र थमौती पाएका क्रान्तिकारी विद्धवान लगाएर ठिक लगाइदिए हुन्छ । नेपाल जापान जस्तो हो रु सत्ता त्यसै र त्यत्तिकै आको हो ररु फेसबुकेले “टार”मा घर बनाइदेको हो ररु जसलाई लेखेर देको उसले त जाइफल पायो भन्न लगाइदिने हो । त्यही पनि हजुरले हाई या हाच्छियुँ गरे त बुझिहाल्छन् नि हजुरका समर्थकले । एक दिन जेल नबसेकाले राजिनामा माग्न मिल्दैन ,पेसा ब्याबसाय गरेकाले त मिल्दै मिल्दैन ,कि उत्तर कि दक्षिणतिरबाट दक्षिणा नपाएकाले त झन मिल्दै मिल्दैन । फेरि सत्ता र सरकार स्वास्थ्यले चलाउने हो ररु सके पशुपतिनाथले चलाउँछन्, नसके माडीमा जन्मेका “राम”ले चलाउँछन् नि भनिदिए हुन्छ ।
यति हो,हजुर खुसी हुनुपर्यो। अर्को नक्सा छाप्नु छ ,अर्को सेक्युरिटी प्रेस पो ल्याउने हो कि । ए माफी माग्छु,कहिले काहीँ आफुलाई नि “टार”को भान्छे जस्तो सम्झेर सुझाब पो दिन खोज्दो रहेछु । जनही बक्स होस् “सपनामा नेपालमा गणतन्त्र आएको पो देखेछु ।”नक्सा छाप्ने हजुरको पहिल्यैको मिसिन ठिक छ । बरु पैसा पुगेन भने अब त ”रास्ट्रिय बाणिज्य बैंक” छँदैछ नत्र “लगानी बोर्ड”ले बिदेशबाट ल्याउँछ । हजुरको ध्यान नटुटोस्,जनता के जनतारु जाबो दूध भात पनि आफै खान नसक्ने र?

(यो नितान्त एउटा निजात्मक अनुभूति र सपना भएकाले कसैको निजी जीवनमा मेल खान गएमा संयोगमात्र हुनेछ )

(लेखक वरिष्ठ पत्रकार हुन् )

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्