मिनी पार्क निर्माण गर्दै क्वारअन्टिनका स्वास्थ्यकर्मीहरु – Kanika Khabar
Thursday, September 29Nepali News Portal

मिनी पार्क निर्माण गर्दै क्वारअन्टिनका स्वास्थ्यकर्मीहरु

    मा प्रकाशित

 

कनिका खबर
तुलसीपुर, १६ भदौ


एका बिहानै तुलसीपुर ११ स्थित उरहरी स्वास्थ्य चौकी बेल्टाकुराका स्वास्थ्यकर्मीहरू स्वास्थ्य चौकी परिसरमा पसिना पुछ्दै हस्याङफस्याङ गर्दै थिए । कोही कुटाे कोदालो पकडेर खनखोरस गर्दै थिए भने कोही इट्टा अनि माटाे बोक्दै थिए । सधै बिरामीहरुको सेवामा ब्यस्त हुने स्वास्थ्यकर्मीहरु मजदुर जस्तै कडा परिश्रम गर्दै गरेको यो दृश्य रोचक अनि फरक देखिन्थ्यो । एक जना स्वास्थ्यकर्मीमा कोरोना पोजेटिभ देखिएपछि गत ८ गते देखि सिल गरिएको यस स्वास्थ्य चौकिका स्ताफहरु अफिस क्वारअन्टिनमा बस्दै आएका छन् । उनीहरु त्यहाँ बसेदेखि नै स्वास्थ्य चौकी परिसरमा मिनी पार्क निर्माण गर्न जुटेका हुन् । उनीहरु आफै खाना पकाएर खान्छन् अनि बाकि समय स्वास्थ्य चौकी परिसरको सज्जावटमा ब्यस्त हुन्छन् । स्वास्थ्य चौकीमा कार्यरत ९ जना स्वास्थ्यकर्मीहरु ८ गतेदेखि अफिस क्वारअन्टिनमा छन् भने १० गते कोरोना परीक्षणका लागि स्वाब दिएर रिपोर्ट पर्खिरहेका छन् । विभिन्न समयमा रचनात्मक गतिबिधिमा सक्रिय भएर चर्चा बटुल्दै आएका यस स्वास्थ्य चौकिका स्वास्थ्यकर्मीहरु अहिले आफ्नो स्वास्थ्य भन्दा आफु कार्यरत स्वास्थ्य चौकी परिसरलाइ सजिसजाउ बनाउन ब्यस्त छन् । अफिस क्वारअन्टिनमा बसेदेखि नै स्वास्थ्य चौकी परिसरमा मिनी पार्क निर्माण गरी विभिन्न फूलहरु रोप्न ब्यस्त यी स्वास्थ्यकर्मीहरु आफू कार्यरत संस्थालाई सबै प्रकारले उत्कृष्ट बनाउनु आफ्नो कर्तब्य सम्झिन्छन । स्वास्थ्य चौकीका इन्चार्ज चित्र वलीको नेतृत्वमा एच ए , सिएम ए, ल्याब असिस्टेन्ट अनि अन्य स्वास्थ्यकर्मीहरु क्वारअन्टिनमा बसेदेखि नै स्वास्थ्य चौकी परिसरलाई सुन्दर अनि आकर्षक बनाउन मेहनत गरिरहेका छन् । बिरामीहरुलाई स्वास्थ्य सेवाका साथै मानसिक रुपमा पनि मनोरञ्जनको वातावरण निर्माणका लागि यो अभियान शुरु गरिएको इन्चार्ज चित्र वलि बताउँछन् । काममा ब्यस्त हुँदा मानसिक रुपमा पनि कोरोनाको ह्याङ हराउने भएकाले रिपोर्ट नआउँदा सम्म बिभिन्न रचनात्मक कृयाकलापमा ब्यस्त हुने सोच बनाएको वलीले बताए । स्वास्थ्य चौकीका एच ए यज्ञ बहादुर केसिले पनि आत्मसन्तुष्टि र स्वास्थ्य चौकीलाई आकर्षक बनाउन क्यारी बनाएर बिरामीहरुलाई मिनी पार्कको अनुभुति दिलाएर उर्जा थप्न मिनी पार्क निर्माणमा जुटेको बताए । उता कोरोना पोजेटिभ भएपछि कोरोना अस्पताल बेलझुन्डीको आइसोलेसनमा स्वास्थ्य लाभ गरिरहेका यस स्वास्थ्य चौकीका अ हे ब खड्ग बिबस बस्नेतले आइसोलेसन भित्रको बेतिथि र स्वास्थ्यकर्मीको सही रुपमा राज्यले मुल्यांकन गर्न नसकेको स्टाटसस लेखेर चर्चामा आएका छन् । उनले लेखेको स्टाटससलाई जोडेर विभिन्न स्थानीय तथा रास्ट्रिय स्तरका सनञ्चार माध्यमहरुले प्रार्थमिकताका साथ समाचार प्रकाशित गरेपछि सम्बन्धित निकाय कमिकमजोरी सुधारमा लागेको बताइन्छ ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्