श्रम स्वीकृति खुला तर काम सुरु हुन समय लाग्ने – Kanika Khabar
Wednesday, April 17Nepali News Portal

श्रम स्वीकृति खुला तर काम सुरु हुन समय लाग्ने

    मा प्रकाशित

कनिका खबर
भदौ १७, काठमाडौं
सरकारले श्रम स्वीकृति खुला पनि गरेको छ । कोरोनाको जोखिमका कारण झन्डै छ महिनादेखि श्रम स्वीकृति रोकिएको थियो । श्रम, रोजगार तथा सामाजिक सुरक्षामन्त्री रामेश्वरराय यादवले रोकिएको श्रम स्वीकृति खुलेको जानकारी दिनुभयो । मन्त्री यादवले कोभिड–१९ को जोखिम कम भएका, सम्बन्धित श्रम गन्तव्य मुलुकसँगको सम्झौता र मागका आधारमा नयाँ श्रम स्वीकृति खुला गरिएको जानकारी दिनुभयो । श्रम स्वीकृती खुलेपनि आजैदेखि काम सुरु हुने भने देखिएको छैन ।

निषेधआज्ञा जारी रहेको, यातायात नखुलेका कारण श्रम स्वीकृती खुलेपनि काम सुरु हुन केहीसमय लाग्ने वैदेशिक रोजगार विभागका महानिर्देशक कुमार दाहालले सीआईएनलाई बताउनुभयो । उहाँका अनुसार नयाँ श्रम स्वीकृतिका लागि सेवाग्राही काठमाडौँ नै आउनुपर्ने भएकाले तत्काल सम्भव देखिँदैन । अनलाइन्बाट सबै काम गर्ने र एकैपटन विमानस्थलमा पुग्नेगरि ब्यवस्था मिलाउने विषयमा छलफल भइरहेको दाहालले बताउनुभयो ।

उपत्यकामा कोभिड–१९ को जोखिम उच्च रहेकाले यही भदौ ३ देखि निषेधाज्ञा जारी छ । उपत्यका बाहिरका कतिपय जिल्लामा पनि कोभिडको जोखिम बढेकाले निषेधाज्ञा जारी छ । पुनः श्रम स्वीकृति प्रदेशमा रहेका श्रम कार्यालयबाट पनि लिन सकिन्छ तर श्रम स्वीकृतिका लागि भने काठमाडौंको ताहाचल कार्यालयमै आउनुपर्ने बाध्यता छ ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्