कनिका खबर
भदौ १९, दाङ ।
दाङको तुलसीपुरमा दुई वटा एम्बुलेन्स एक आपसमा ठोक्किदा एक जना घाईते भएका छन् । घाईते हुनेमा प्युठानको, प्युठान नगरपालिका–२ जुम्री निबासी २४ बर्षकी रतिमा विष्ट रहेको ईलाका प्रहरी कार्यालय तुलसीपुरले जानकारी दिएको छ । घाईतेको राप्ती प्रादेशिक अस्पताल तुलसीपुरमा उपचार भइरहेको प्रहरी नायव उपरीक्षक शिव बहादुर सिंहले जानकारी दिए ।
तुलसीपुरबाट सल्यान तर्फ जाँदै गरेको रा १ झ १७२ र सल्यानबाट तुलसीपुर आउँदै गरेको रा १ च ४७७ नम्बरको एम्बुलेन्स रक्षाचौरमा एक आपसमा ठोक्किदा उक्त दुर्घटना भएको थियो ।