कोरोना नियन्त्रणका लागि छथर गाउँपालिकामा विभिन्न प्रयास – Kanika Khabar
Wednesday, May 25Nepali News Portal

कोरोना नियन्त्रणका लागि छथर गाउँपालिकामा विभिन्न प्रयास

    मा प्रकाशित

कनिका खबर
भदौं २१, तेह्रथुम
तेह्रथुमको छथर गाउँपालिकाले कोरोना भाइरसको सङ्क्रमण फैलिदै जाँदा सम्भावित जोखिमलाई मध्येनजर गर्दै १५ बेडको आइसोलेसन तयार गरेको छ । गाउँपालिकाद्धारा सञ्चालित छथर अस्पतालमा १५ बेडको आइसोलेसन वार्ड तयार गरिएको हो । विश्वभरि नै महामारीका रुपमा फैलिएको कोभिड १९ को सङ्क्रमण जिल्लामा पनि देखिन थालेको र सङ्क्रमण फैलिएर उपचारमा समस्या हुन सक्ने भएकाले गाउँपालिकाले पहिलो चरणमा दश वेडको आइसोलेसन वार्ड तयार गरेको गाउँपलिकाका अध्यक्ष सन्तवीर लिम्बुले बताउनुभयो । गाउँपालिका क्षेत्रमा सबै सर्वसाधारणलाई उच्च स्वास्थ्य सावधानी अपनाउन आग्रह गरिएको पनि उहाँले बताउनुभयो । सङ्क्रमण भित्रिन नदिन गाउँपालिका क्षेत्रका सीमा क्षेत्र शिल गरिएको छ । सुरक्षा सतर्कता बढाइएको छ । तेह्रथुममा हालसम्म २८ जनामा कोरोनाको सङ्क्रमण देखिएको छ । त्यसमध्ये अहिलेसम्म १७ जना निको भइसकेका छन् । गाउँपलिकामा करिब दुईसय जनाको पीसीआर परीक्षण भएको छ । गाउँपालिकाले सबै नाकामा गरि १५ जना स्वयम्सेवक परिचालन गरेको छ भने गाउँपालिका भित्रिने मुख्य सडकमा अस्थायी प्रहरी बिट नै खडा गरी सम्भावित जोखिमबाट बचाउन निगरानी गर्ने व्यवस्था मिलाइएको छ ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्