मा प्रकाशित
कनिका खबर
भदौं २२, बाजुरा
बाजुरामा दुईसय ५६ जनाको स्वाव संकलन गरी हिजो धनगढी पठाइएको छ । २२८ जना पूरुष र २८ जना महिलाको स्वाव संकलन गरी धनगढीको सेती प्रादेशिक प्रयोगशालामा पठाइएको जिल्ला स्वास्थ्य कार्यालय बाजुराले जनाएको छ । सदरमुकाम मार्तडीमा लकडाउनको समयमा अग्रपङ्तीमा रहेर काम गर्ने ब्यक्तिहरुको स्वाव संकलन गरि हिजो धनगढी पठाइएको जिल्ला स्वास्थ्य कार्यालय बाजुराका प्रमुख दयाकृष्ण पन्तले जानकारी दिनुभयो । बडिमालिका नगरपालिका र जिल्ला स्वास्थ्य कार्यालय बाजुराको समन्वयमा निरन्तर रुपमा सेवामा खटिएका सुरक्षाकर्मी, स्वास्थ्यकर्मी, सञ्चारकर्मी, व्यापारी लगायतको स्वाव संकलन गरिएको कार्यालय प्रमुख पन्तले बताउनु भयो । बाजुरामा हालसम्म संकलन गरिएका नमुना परीक्षणको रिर्पोट अनुसार कोरोनाको संक्रमण बढेको देखिएको पनि उहाँले बताउनुभयो ।
