कोरोनाले उत्पनन गरेको मानसिक समस्याबारे प्रधानमन्त्रीको चासो – Kanika Khabar
Friday, March 29Nepali News Portal

कोरोनाले उत्पनन गरेको मानसिक समस्याबारे प्रधानमन्त्रीको चासो

    मा प्रकाशित

कनिका खबर
भदौ २३, काठमाडौं
प्रधानमन्त्री केपी शर्मा ओलीले कोरोना भाइरस कोभिड १९ पछि मानसिक स्वास्थ्यमा परेको प्रभावबारे मनोचिकित्सकहरूसँग छलफल गर्नुभएको छ । आज बालुवाटारमा भएको छलफलमा प्रधानमन्त्री ओलीले कोरोनाबारे अनावश्यक त्रास बढेको बताउनुभयो । कोरोनाभन्दा पनि मानिसक डर बढी देखिएको भन्दै प्रधानमन्त्रीले चिन्ता व्यक्त गर्नुभएको थियो । मनोचिकित्सक र स्वास्थ्य मन्त्रालयले कोरोनाबारे यथार्थ कुरा बाहिर ल्याउनुपर्नेमा प्रधानमन्त्रीले जोड दिनुभएको थियो । मनोचिकित्सकहरूले भने लकडाउन र निषेधाज्ञाले मानसिक समस्या बढाएको र आत्महत्याको दर बढ्दै गएको बताएका थिए । नेपालमा मनोस्वास्थ्यलाई महत्व नदिएको पनि उनीहरूले प्रधानमन्त्रीसँग गुनासो गरे । मानसिक स्वास्थ्य सम्बन्धी शिक्षा विद्यालय तहको पाठ्यक्रममा समेट्नुपर्नेमा चिकित्सकहरूको जोड थियो । छलफलमा स्वास्थ्य तथा जनसंख्यामन्त्री भानुभक्त ढकाल, डा. सरोजप्रसाद ओझा, डा. सुदर्शन नरसिंह प्रधान, डा. पशुपति महत, डा. रितेश थापा, डा. दिव्य सिंह, डा. सगुन पन्त, डा. रोशन पोखरेल, डा. अनन्त अधिकारी लगायत सहभागी थिए ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्