कनिका खबर
भदौ २३, बैतडी
बैतडीका करिव २६ हजार बढी घरधुुरी बिद्युत सेवाबाट बञ्चित रहेका छन् । नेपाल बिद्युत प्राधिकरण बैतडी वितरण केन्द्रका अनुसार २६ हजार ८ सय घरधुरी बिद्युत सेवाबाट बञ्चित भएका हुन । जिल्ला भरी ४२ हजार घरधुरी रहेकोमा १५ हजार २ सय घरधुरीमा मात्रै बिद्युत सेवा बिस्तार भएको नेपाल बिद्युत प्राधिकरण बैतडी वितरण केन्द्रका प्रमुख मोहन देव जोशीले जानकारी दिनुभयो । बिद्युतीकरण नहुँदा साँझ बिहान घरयासी काम गर्न र बिद्यार्थीहरुलाई पढ्न समस्या हुने गरेको सिगास ७ का स्थानीय बिर बहादुर ऐरले बताउनुभयो । दीगो बिकासको लक्ष्य अनुसार सन् २०३० सम्म धान्न÷किन्न सकीने भरपर्दाे र आधुनिक उर्जा सुविधाहरुमा सर्वब्यापी पहुँच सुनिश्चिता गर्ने उल्लेख गरिएको भए पनि बैतडीमा अझै २६ हजार ८ सय घरधुरी बिद्युत सेवाको पहुँच भन्दा बाहिर रहेका छन् । गत आर्थिक बर्षमा १ हजार ८ सय घरधुरीमा बिद्युत बिस्तार गरिएको बिद्युत प्राधिकरण बैतडीका प्रमुख जोशी जानकारी दिनुभयो ।
मा प्रकाशित
