मा प्रकाशित
कनिका खबर
भदौ २३, दाङ ।
अब मदिरा तथा सुर्तीजन्य पदार्थमा छुट तथा उपहार दिन नपाइने भएको छ । मदिरा तथा सुर्तीजन्य पदार्थ उत्पादन गर्ने उद्योगले पैठारीकर्ता तथा बिक्रेतालाई उपहार दिन नपाउने भएका हुन् । अन्तःशुल्क ऐन २०५८ मा गरिएको संशोधनपछि यस्तो व्यवस्था लागू कार्यन्वयनमा आएको आन्तरिक राजस्व विभागले जनाएको छ ।
नयाँ व्यवस्था अनुसार उत्पादकले आफ्ना पैठारीकर्ता र बिक्रेताका लागि छुट दिएर कम मूल्यमा त्यस्ता पदार्थ पनि विक्री गर्न पाउने छैनन् । साबिकको भ्याटमा दर्ता पैठारीकर्ता र विक्रेताका लागि मात्रै दिन पाइने सुविधा संशोधनले परिमार्जन गरेको हो ।
यसअघि मदिरा, वियर वा सूर्तिजन्य पदार्थ सम्बन्धी उद्योगले त्यस्तो वस्तुको पैठारीकर्ता तथा तिनका बिक्रेताका लागि उपहार कार्यक्रम सञ्चालन गर्न मूल्य अभिवृद्धि करमा दर्ता भएकालाई मात्रै छुट थियो
