कनिका खबर
भदौं २५, काठमाडौं
सरकारले गत वर्ष मनाउने गरि निर्णय गरेको लैँगिक हिंसा विरुद्धको अभियान वर्षलाई यस वर्ष पनि निरन्तरता दिएको छ । सकारले गत वर्ष लैँगिक हिंसा विरुद्धको अभियान वर्ष मनाउने निर्णय गरेको थियो । तर मनाउनका लागि कार्ययोजना ल्याउनमा ढिलाई भएको र कोरोना महामारीका कारण अघिल्लो वर्ष कार्ययोजना अनुसार काम हुन नसकेको भन्दै महिला बालबालिका तथा जेष्ठ नागरिक मन्त्रालयले यस वर्ष पनि निरन्तरता दिन लागेको हो । कार्ययोजना अनुसार दुई महिनाको अवधिमा समिक्षा गर्नुपर्ने भएकाले मन्त्रालयले स्थानीय तहलाई प्रगति विवरण उपलब्ध गराइदिन आग्रह गरेको मन्त्रालयको लँैगिक हिंसा निवारण शाखाका प्रमुख रोशनीदेवी कार्कीले सीआईएनसँग बताउनुभयो । मन्त्रालयले लैँगिक हिंसा विरुद्धको अभियान वर्ष, २०७६ वार्षिक कार्यान्वयन कार्ययोजना तयार गरेर अघिल्लो वर्ष फागुन महिनाको दुई गते सबै स्थानीय तह र सातवटै प्रदेशलाई उपलब्ध हुने गरि पठाएको थियो । तर सबै स्थानीय तहलाई कार्ययोजना पुस्तिका उपलब्ध गराउन फागुन महिनाभर लागेको जनाइएको छ ।
मा प्रकाशित