कनिका खबर
भदौं २६, सिन्धुपाल्चोक
कार्यालयभित्रै मदिरापान भन्दै सामाजिक सञ्जाल तथा केही सञ्चारमाध्यममा समाचार आएपछि मेलम्ची नगरपालिकाले खण्डन गरेको छ । विज्ञप्ती जारी गर्दै बास्तविकता नबुझी भ्रममा नपर्न सार्वजनिक रुपमा आग्रह गरेको हो । नगरपालिकाले २३ भदौको साँझ कार्यालयको कामकै लागि कर्मचारी अबेरसम्म कार्यालयमा बसेको प्रष्ट पारेको छ । चालु आर्थिक वर्षको लागि स्वीकृत ५ योजना कार्यान्वयनका लागि बोलपत्र सम्बन्धी कागजात तयार गरी विद्युतीय खरिद प्रणालीमा अपलोड गर्नका लागि कर्मचारीहरु अबेरसम्म खटिएको र उक्त समयमा आफुलाई युट्युबर बताउने दुई ब्यक्तिहरु आई जबर्जस्ती भिडियो खिचेको मेलम्ची नगरपालिकाले दावी गरेको छ । यसबारे यथार्थ बुझ्न आन्तरिक छानबिन सुरु गरिएको र कर्मचारीको गल्ती देखिए कारबाही गरिने मेलम्ची नगरपालिकाका प्रमुख प्रशासकीय अधिकृत कुमारप्रसाद कोईरालाले बताउनुभयो ।
मा प्रकाशित
