मा प्रकाशित
कनिका खबर
भदाै २९, बाँके ।
बाँकेमा आज सोमवार तीन ३ वर्षीय बालकले काेराेना जितेका छन् । आज ती बालकसहित ४० जना डिस्चार्ज भएका छन् । खजुरा गाउँपालिका–५ का ३ बर्षका बालक भाइरस संक्रमणमुक्त भएको जिल्ला स्वास्थ्य कार्यालय बाँकेका कोरोना फोकलपर्सन नरेश श्रेष्ठले जानकारी दिएका छन् ।
उनका अनुसार सङ्क्रमित ७ वर्षीया र ९ वर्षीया बालिका पनि आज डिस्चार्ज भएका छन् ।
३ वर्षका बालकलाई खजुरास्थित कृषि तालिम केन्द्रको आइसोलेसनमा राखिएको थियो भने ७ र ९ बर्षिया बालिकालाई मेडिकल कलेज चिसापानीको आइसोलेसनमा राखिएको थियो ।
उनीहरु सबैलाई भदौ १५ गते कोरोना भाइरस संक्रमण पुष्टि भएको थियो । योसँगै बाँकेमा डिस्चार्ज हुनेको संख्या १ हजार ३६ पुगेको छ ।
