मा प्रकाशित
कनिका खबर
भदौ २९, दाङ ।
आज सोमबार बसेको मन्त्रीपरिषद्को बैठकले सत्तारूढ नेपाल कम्युनिष्ट पार्टीका उपाध्यक्ष बामदेव गौतमलाई राष्ट्रिय सभा सदस्यका लागि राष्ट्रपतिसमक्ष सिफारिस गर्ने निर्णय गरेको छ ।
राष्ट्रपतिबाट मनोनित हुने तीन सदस्यमध्ये एक जना डा.युवराज खतिवडाको पद सकिएको ६ महिनापछि गौतमलाई राष्ट्रिय सभा सदस्यमा मनोनितका लागि सिफारिस गरिएको हो ।
गौतमलाई अब राष्ट्रपतिले राष्ट्रिय सभा सदस्यमा मनोनित गर्नेछिन् । गौतमलाई गत फागुन १४ गतेको नेकपा सचिवालय बैठकले राष्ट्रियसभामा पठाउने निर्णय गरेको थियो । उक्त निर्णय नेकपाभित्रको आन्तरिक द्वन्द्वका कारण कार्यान्वयन हुन सकेको थिएन ।
