सडक निर्माणका लागि आएको रकम हिनामिना भएको स्थानीयबासीको आरोप

कनिका खबर
भदौं ३०, मुगु
छायानाथ रारा नगरपालिका वडा नम्बर १४ मा कच्ची सडक निर्माणका लागि आएको बजेट हिनामिना भएको स्थानीयवासीहरुको भनाईरहेको छ । नगरपालिका वडा नम्बर १४ बाममा चंखेली कच्ची सडक निर्माणका लागि कर्णाली प्रदेशसंग २८ लाख ८० हजारको सम्झौता भई ३ सय १८ घरधुरीले चार दिन काम गर्दा १ हजार २ सय ७२ दिन हुनु पर्नेमा उपभोक्ता समितिले १ हजार ६ सय ५० दिनको हाजिर गरेका र कन्टेन्जेसी खर्च १ लाख १५ हजार २ सय, योजनाको सर्भे तथा सडक निर्माण समिति खाना खर्च १ लाख ५० हजार , स्टेशनरी खर्च १५ हजार र समितीको गमगढी र गाउँ आवतजावतमा २१ हजार , धरौटी खर्च २ लाख ३९ हजार ३ सय देखाईएको छ । सडक निर्माण समूहका लागि १ लाख र अन्य कामका लागि २ लाख ५० हजार खर्च भएको भन्ने उपभोक्ता समितिले बताए पछि स्थानीय कामदारहरुले विरोध गरिरहेका छन ।