सुबास दर्नाल
असोज २, सोलुखुम्बु ।
सोलुखुम्बुको महाकुलुङ गाउँपालिका ३ मा भालुको आक्रमणबाट १ जनाको मृत्यु भएको छ भने अन्य ४ जना घाइते भएका छन् । जंगलमा मालिङ्गो काट्न गएका स्थानीयलाई भालुले आक्रमण गरी घाइते बनाएको सोलुखुम्बु प्रहरीले जनाएको छ ।
जिल्ला प्रहरी कार्यालय सोलुखुम्बुका प्रहरी निरीक्षक महेन्द्र दर्नालकाअनुसार घाइते भएकालाई उद्धार गरी उपचारको लागि स्वास्थ्य चौकी छैस्काम लैजादै गर्दा एक जनाको बाटोमै मृत्यु गएको हो । मृत्यु हुनेमा महाकुलुङ ३ छेस्कामका ३६ वर्षका प्रेम कुलुङ रहेको प्रहरी निरीक्षक दर्नालले जानकारी दिए ।
अन्य घाइते हुनेहरुमा मृतककै भाइ २२ वर्षकाचतुर कुलुङ, सोही गाउँपालिका वडा नम्बर ४ का वर्ष १९ का प्रेम कुलुङ, सोही वडा निवासी वर्ष २५ का सुजन कुलुङ र वर्ष १९ का सन्तबहादुर कुलुङ रहेका छन् । घाइते मध्ये २ जनाको अवस्था सामान्य छ ।
