कनिका खबर
असोज ३, चितवन ।
कोरोना भाइरसको सङ्क्रमण पुष्टि भएपछि होम आइसोलेसनमा जान थालेका एक इन्जिनियरको आज शनिबार मोटर साइकल दुर्घटनामा परी मृत्यु भएको छ ।
मकवानपुरको बकैयाका गाउँपालिकाका इन्जिनियर दिपेन्द्र अधिकारी मकवानपुरको रजैयामा मोटरसाइकल दुर्घटनामा परी मृत्यु भएको हो । उनी कोरोना पुष्टि भएपछि होमआइसोलेसनमा बस्न चितवन जाँदै गर्दा दुर्घटनामा परेका हुन् ।
उनी सबार ना ४९ प २४०० नंबरको मोटरसाईकल र चितवनबाट हेटौँडा आउँदै गरेको बा ३ ख ९६६४ नंबरको मिनिबस एक आपसमा ठक्कर खाँदा अधिकारीको मृत्यु भएको हो ।
उनी बकैया गाउँपालिकामा भुकम्प प्राधिकरणमा कार्यरत थिए ।