कनिका खबर
असोज ४, मुगु ।
मुगुमा भिरबाट लडेर एक जनाको मृत्यु भएको छ । जिल्लाको पुर्वी करान भेगमा पर्ने मुगुमकार्मारोंग गाउँपालिका वडा नं ४ किम्रीका अन्दाजी वर्ष ३१ का आङधाक तामाङको मृत्यु भएको जिल्ला प्रहरी कार्यालय मुगुले जनाएको छ ।
कार्यालयका अनुसार सोही गाउपालिकाको वडा नं ३ स्थित पोमुङ लाक्पा जंगलमा झोपा गाई चराउन गएको अवस्थामा करिब ४० मिटर तल खसि भीर बाट लडेर मृत्यु भएको जिल्ला प्रहरी कार्यालय मुगुका प्रहरी नायव उपरीक्षक चित्र बहादुर भट्टराईले जानकारी दिए । उनका अनुसार मृत्यु असोज १ गते भएको हो ।