कनिका खबर
असोज ५, काठमाडौं
नेपाली पर्वतारोही आङरिता शेर्पाको निधन भएको छ । ७२ वर्षका शेर्पाको काठमाडौं जोरपाटीस्थित निवासमा आज बिहान १० बजे निधन भएको पारिवारिक स्रोतले जनाएको छ । पासाङ ल्हामु फाउण्डेसनका महासचिव छेटु शेर्पाले दिएको जानकारीअनुसार शेर्पाको आज बिहान निधन भएको हो । अन्तिम संस्कार भने एकदुई दिनमा गरिने पनि उहाँले बताउनुभयो । आङ्रिताको पुख्र्यौली घर सोलुखुम्बुको थमो हो । सन् १९८३ देखि सगरमाथा आरोहण थाल्नुभएका आङ्रिता अक्सिजनबिना नै १० पटक सगरमाथाको सफल आरोहरण गर्नुभएको थियो । त्यसैकारण उहाँलाई हिउँ चितुवाको नामले चिनिने गरिएको थियो ।
मा प्रकाशित