लमही, ५ असोज ।
राप्ती गाउँपालिका वडा नं. ४ स्थित शान्ति सामुदायिक वन क्षेत्र अतिक्रमण गरी बनाइएको नयाँ टहरा भत्काइएको छ ।
डिभिवन वन कार्यालय देउखुरी, सव–डिभिजन वन कार्यालय राप्तीको वन कर्मचारीहरुले करिब २ सय व्यक्तिले अतिक्रमण गरी २५ वटा प्लटमा बनाइएको टहरा हटाइएको हो ।
‘हाल सालै नयाँ अतिक्रमण गरिएको क्षेत्र रहेछ । हामीलाई खबर भएपछि टोली पुग्यो र अतिक्रमण क्षेत्रका टहरा हटाइयो’, डिभिजन वन कार्यालय देउखुरीका सहायक वन अधिकृत लालबावु यादवले भने– ‘जग्गाको पुर्जा पाइने लोभले वन क्षेत्र अतिक्रमण गरेको पाइयो ।’
सहायक वन अधिकृत यादव र टंकबहादुर गुरुङ्गको नेतृत्वमा वन कर्मचारीसहित सुरक्षाकर्मी परिचालन भएका थिए । अतिक्रमण गरी बनाइएका टहरामा आगो लगाइएको थियो ।