मा प्रकाशित
सञ्जीव पछाइ
असाेज १६, दाङ ।
नेपाली कांग्रेसका केन्द्रीय सदस्य योगेन्द्र चौधरीले पाँच नम्बर प्रदेश सरकारले दाङ देउखुरी क्षेत्रलाई स्थायी राजधानी घोषणाका लागि गरेको निर्णयको स्वागत गरेका छन् ।
दाङ देउखुरीका चौधरीले सिंगो प्रदेशको जनभावनालाई बुझेर प्रदेश सरकारले गरेको यो निर्णयले प्रदेशका नागरिकको उचित सम्मान गरेको उल्लेख गरेका छन् । प्रदेशका सबै जिल्लाको केन्द्र बिन्दुका रुपमा रहेको दाङ प्रदेशका हरेक जिल्लाका लागि पायक पर्ने भन्दै यो उपयुक्त निर्णयका लागि प्रदेश सरकारलाई उनले धन्यवाद समेत दिएका छन् ।
साथै सरकारले संसदमा पेश गरेको यो प्रस्ताव छिट्टै पास हुनेमा उनले आशा व्यक्त समेत गरेका छन् ।
