मा प्रकाशित
कनिका खबर
असोज २६, दाङ ।
अब सार्वजनिक यातायातले सबै सिटमा यात्रु राख्न पाउने भएका छन् । आज सोमबार बसेका मन्त्री परिषद्को बैठकले सार्वजनिक सवारीमा पनि सबै सिटमा यात्रु चढाउन दिने निर्णय गरेको हो । यस अघि सार्वजनिक यातायातमा बढीमा आधा सिट क्षमतामा यात्रु राखेर यातायात चलाउनुपर्ने निर्णय भएको थियो ।
सरकारले सार्वजनिक यातायात सञ्चालन गर्न दिएसँगै एक लहरमा एक जना मात्र राख्नुपर्ने र भाडा बढाएर ५० प्रतिशत लिन दिने निर्णय गरेको थियो ।
अब दसैंको समयमा यात्रुको चाप हुने भएकाले सार्वजनिक यातायातमा पनि सामाजिक सुरक्षाका मापदण्ड अपनाएर पूरा क्षमतामा यात्रु राख्न दिने तर, भाडा पुरानैै दरमा लिनुपर्ने निर्णय भएको छ ।
