कनिका खबर
कार्तिक ६, काठमाडौं
नेपाली काँग्रेसका सभापति शेरबहादुर देउवाले कोरोना सङ्क्रमित नागरिकले आफ्नै खर्चमा उपचार गर्नुपर्ने सरकारले गरेको निर्णय लज्जास्पद भएको भन्दै निर्णय सच्याउन सरकारसँग माग गर्नुभएको छ । आज प्रेस विज्ञप्ति जारी गर्दै सभापति देउवाले सरकारको यस्तो निर्णयले सरकार जनताप्रति संवेदनहीन, गैरजिम्मेवार, कर्तव्यविमुख छ भन्ने देखिएको आरोप लगाउनुभएको छ । सभापति देउवाले नेपालको संविधानले प्रत्येक नागरिकलाई आधारभूत स्वास्थ्य सेवा निःशुल्क प्राप्त गर्ने अधिकार प्रत्याभूत गरेको उल्लेख गर्दै कालोबजारी, महंगी, मिसावट, कृत्रिम अभाव, भ्रष्टाचार र बेथिति उग्ररुपले प्रकट भएकोसमेत बताउनुभएको छ ।