कनिका खबर
कार्तिक ११, हुम्ला
हुम्ला चखेली गाउँपालिका वडा नम्बर ५का नेप्का गाउँका स्थानीय इन्टरनेटबाट आफन्तसँग कुरा गर्न रातभर जाग्राममा बस्ने गरेका छन् । दुर्गम गाउँमा टेलिकम सेवा नहुँदा त्यहाँका स्थानीयबासी आफन्तसँग कुराकानी गर्न रातभरी जाग्राम बस्नु पर्नेमा बाध्यतमा छन् । गाउँका बासिन्दाहरू आफन्तसँग कुरा गर्न कि त दुई दिन हिंडेर जानुपर्छ कि त रातभरी जाग्राम बसेर इन्टरनेटमा कुरा गर्नका लागि लाइनमा बस्नुपर्ने नेप्काका स्थानीय हर्कधन तामाङले बताउनुभयो । स्वास्थ्य चौकीमा रहेको वल्र्डलिङ्क इन्टरनेट सेवा पनि भरपर्दो नभएकाले दिनभरी घाम लाग्दा रातीको समयमा कुरा गर्न सकिने अवस्था छ । दुर्गम जिल्ला हुम्लाका अधिकासंग गाउँमा भने टेलिकमको सेवा नै छैन । उत्तरी नाम्खा गाउँपालिकाको लिमीका तिनवटा गाउँ, ताँजकोट गाउँपालिका मासपुर, चङ्खेली गाउँपालिका नेप्का लगायत गाउँमा टेलिफोन सेवा विस्तार नहुँदा स्थानीयबासी समस्यामा छन् ।
मा प्रकाशित
