मा प्रकाशित
कनिका खबर
कार्तिक ११, दाङ
भारतमा धेरै दिनपछि कोरोना भाइरबाट एक दिनमा हुने सङ्क्रमण दर निकै घटेको छ । बीबीसी हिन्दीका अनुसार पछिल्लो २४ घण्टामा भारतमा ३६ हजार ४ सय ६९ जनामा मात्र कोरोना पुष्टि भएको छ । यो केही हप्ता अगाडिका तुलनामा निकै कम हो । सोही अवधिमा कोरोना सङ्क्रमणका कारण ४ सय ८८ जनाको मृत्यु भएको छ । योसँगै भारतमा कोरोना सङ्क्रमितको सङ्ख्या ७९ लाख ४६ हजार ४२९ पुगेको छ भने अहिलेसम्म यसबाट कूल १ लाख १९ हजार ५ सय २ जनाको मृत्यु भएको छ । गत २४ घण्टामा ९ लाख ५८ हजार जनाको कोरोना परीक्षण गरिएको थियो । कोरोना सङ्क्रमण भएर निको भइसकेकाको सङ्ख्या भारतमा ७२ लाख १ हजार ७० पुगेको छ । भारतमा कोरोनाबाट मुक्त भएकाको अनुपात ९०.६२ प्रतिशत रहेको त्यहाँका सरकारी निकायले जनाएको छ ।
