समयमा नै वर्षात भएको भन्दै किसानहरु खुसी

कनिका खबर
मंसिर ३, मुगु
हिजो देखि मुगुभर वर्षात भएपछि किसानहरु खुसी भएका छन् । हिउदे बाली लगाउने समयमा पानी परेपछि किसानहरु खुसी हुँदै खेतवारीमा जौं ,गहुँ छर्न व्यस्त भई रहेका छन् । विगतका वर्षहरुमा समयमा वर्षात नहुँदा जौं गहुँ छर्न निकै समय कुर्नु पर्ने भए पनि यो वर्ष समयमा नै वर्षात भए पछि जौं गहुँ तथा तरकारी रोप्न सहज भएको किसानहरुले बताएका छन् । अधिकाँश किसानहरुले हिउदे बाली लगाउने काम सकिसकेका र केही कृषकले काम गरि रहेका कृषि विकास कार्यालय मुगुले जनाएको छ । मंसिर १ गते राती मुगुका हिमाली क्षेत्रमा हिमपात भएको थियो भने अन्य स्थानमा पानी परेको थियो । वर्षात संगसंगै गाउँघरमा रुघा खोकि फैलिए पनि स्थानीयवासीहरु भने काममा व्यस्त छन् ।