स्पेनिस ला लिगा फुटबलमा साविक विजेता रियल मड्रिड बराबरीमा

एजेन्सी ।
स्पेनिस ला लिगा फुटबलमा साविक विजेता रियल मड्रिड बराबरीमा रोकिएको छ । गएराति भएको खेलमा रियल मड्रिड रियल भिल्ला १–१ गोलको बराबरीमा रोकिएको हो ।
भिल्लाको मैदानमा सुरुवाती अग्रता जोगाउन नसक्दा रियलले बराबरीमा चित्त बुझाएको हो ।खेलको दोस्रो मिनेटमा मारीयानो डियाजले गोल गर्दै रियललाई अग्रता दिलाएका थिए । तर, खेलको ७६ औं मिनेटमा जेरार्ड मोरेनोले पेनाल्टीमा गोल गर्दै भिल्लालाई १–१ गोलको बराबरीमा ल्याए । यस बराबरीसँगै रियलले शीर्ष दुईमा उक्लने मौका गुमाएको छ ।
रियलले ८ खेलमा १६ अंक जोडेको छ । रियल तालिकाको चौंथो स्थानमा रहेको छ । भिल्लाले ९ खेलमा १८ अंक जोडेको छ । भिल्ला दोस्रो स्थानमा रहेको छ । अर्को खेलमा लेभान्टेले इल्चेसँग १–१ गोलको बराबरी खेलेको छ ।