मा प्रकाशित
मंसिर ११, काठमाडौँ ।
नेपाल उद्योग वाणिज्य महासंघको ५४औं वार्षिक साधारणसभा आज सुरू हुँदैछ।
गत चैतमै हुनुपर्ने साधारण सभा कोरोना भाइरसको महामारीले स्थगित भएको थियो । यो साधारणसभाले महासंघको नयाँ नेतृत्व पनि चयन गर्नेछ । नयाँ नेतृत्व चयनका लागि हुने निर्वाचनका लागि तीन स्थानमा मतदान हुनेछ ।
काठमाडौँको प्रज्ञा भवन कमलादी, कार्की ब्यांकेट र उद्योग वाणिज्य महासंघको कार्यालय टेकुमा मतदान हुनेछ । मंसिर १२ गते भर्चुअल रूपमा नै बन्दसत्र संचालन हुने र १३ गते बिहान ८ बजे मतदान सुरु हुने निर्वाचन समितिले जनाएको छ।
महासंघको वरिष्ठ उपाध्यक्षका लागि किशोर प्रधान र चन्द्र ढकाल उम्मेदवार छन् । साधारणसभापछि हालका वरिष्ठ उपाध्यक्ष शेखर गोल्छा स्वतः अध्यक्ष बन्नेछन्। विधानले वरिष्ठ उपाध्यक्ष नै अध्यक्ष हुने व्यवस्था गरेको छ ।
