दाङमा बस र मोटरसाइकल ठोक्किदा २ जना घाइते

कनिका खबर
मंसिर १३, दाङ ।
दाङमा बस र मोटरसाइकल ठोक्किदा २ जना घाइते भएका छन् । जिल्लाको तुलसीपुर उपमहानगरपालिका–२ कुमालगडीमा बस र मोटरसाईकल ठोक्किदा २ जना घाइते भएका हुन् ।

रोल्पाको त्रिवेणी गाउँपालिका–९ नुवागाउँ निबासी २३ वर्षका किरण पुन र सल्यानको शारदा नगरपालिका–९ मार्के निवासी २१ वर्षका लक्ष्मण बोहरा घाइते भएका छन् । घाइते मध्ये मोटरसाईकल चालक पुनको अवस्था सिरियस रहेको ईलाका प्रहरी कार्यालय तुलसीपुरका डिएसपी शिव बहादुर सिंहले जानकारी दिए ।

घाइतेको राप्ती प्रादेशिक अस्पताल तुलसीपुरमा उपचार भइरहेको छ । तुलसीपुरबाट पश्चिम तर्फ जाँदै गरेको लु ४१प २१३ नम्बरको मोटरसाईकल र पश्चिमबाट तुलसीपुर तर्फ आउँदै गरेको रा१ख २११० नम्बरको बस तुलसीपुर उपमहानगरपालिका–२ कुमालगडीमा एकआपसमा ठोक्किदा दुर्घटना भएको हो । दुर्घटना बिहान साढे १० बजे भएको थियो ।