एजेन्सी ।
भारतले घरेलु टिम अष्ट्रेलियाविरुद्धको टी ट्वान्टी क्रिकेट सिरिज जितेको छ ।सिड्नीमा हिजो आइतबार भएको दोस्रो खेलमा अष्ट्रेलियालाई ६ विकेटले पराजित गर्दै भारतले तीन खेलको सिरिज आफ्नो बनाएको हो ।अष्ट्रेलियाले दिएको १ सय ९५ रनको लक्ष्य भारतले १९ ओभर ४ बलमा मात्र ४ विकेट गुमाएर पूरा गर्यो ।भारतका लागि शिखर धवनले ५२ रनको अर्धशतकीय इनिङ्स खेल्नुभएको थियो । यस्तै हार्दिक पाण्डेयले अविजित रहदै ४२ रन जोड्दा श्रेयस एयर १२ रनमा अविजित रहनुभयो ।
हारतर्फ अग्रसर रहेको समय पाण्डयले २२ बलमा ३ चौका र २ छक्का प्रहार गर्दै भारतलाई जित दिलाउनुभयो ।कप्तान विराट कोहलीले ४० तथा केएल राहुलले ३० रन बनाउनुभयो । अष्ट्रेलियाका डानिल साम्स, एन्ड्रयु टे, मिचेल स्विपसन र एडम जाम्पाले १÷१ विकेट लिनुभयो । यस अघि टस हारेर पहिले ब्याटिङ गरेको अष्ट्रेलियाले २० ओभरमा ५ विकेट गुमाएर १ सय ९४ रन बनाएको थियो ।अष्ट्रेलियाका लागि कप्तान म्याथ्यु वेडले ५८ रनको अर्धशतकीय इनिङ्स खेल्नुभयो र जितसँगै अष्ट्रेलिया भ्रमणमा रहेको भारतले तीन खेलको सिरिजमा २–० को अग्रता समेत बनाएको छ । पहिलो खेलमा भारतले अष्ट्रेलियालाई ६६ रनले हराएको थियो । दुई टिमबीचको अन्तिम तथा तेस्रो खेल मंगलबार हुनेछ । यस अघि भएको एकदिवसीय सिरिज भने अष्ट्रेलियाले २–१ ले जितेको थियो ।