कनिका खबर
मंसिर २३, काठमाडौँ ।
झण्डै ३ घण्टा लामो बसाइँ र छलफल गरेर सर्वदलीय बैठक सकिएको छ । प्रधानमन्त्री निवास बालुवाटारमा बसेको सर्वदलीय बैठकमा कोभिड १९ को नियन्त्रण, प्राप्त उपलब्धीहरुको रक्षा, संविधान विरोधी र हिंसात्मक गतिविधिलगायतका विषयमा छलफल भएको थियो ।
बैठकमा सहभागी दलका नेताहरुलाई सम्बोधन गर्दै प्रधानमन्त्री केपी शर्मा ओलीले संविधान विरोधी विरुद्ध एकजुट हुन आह्वान गरेका थिए । सम्बोधनकै क्रममा प्रधानमन्त्री ओलीले कोभिड १९ को नियन्त्रण गर्न, प्राप्त उपलब्धीहरुको रक्षा गर्न सबैलाई आह्वान गरेका थिए । उनले भने, ‘संविधान विरोधी र हिंसात्मक गतिविधि बढ्दै जान थालेका छन् यसका विरुद्धमा सबै एकजुट हाँै ।’
बैठकमा पछिल्लो राजनीतिक घटनाक्रमका विषयमा पनि छलफल भएको थियो ।
प्रधानमन्त्रीले बोलाएको सर्वदलीय बैठकमा नेपाल कम्युनिष्ट पार्टी (नेकपा), नेपाली कांग्रेस, जनता समाजवादी पार्टी (जसपा), राष्ट्रिय प्रजातन्त्र पार्टी (राप्रपा), राष्ट्रिय जनमोर्चा र नेपाल मजदुर किसान पार्टी (नेमकिपा) को सहभागिता रहेको थियो ।
