तानसेन नगरपालिकामा पहिलो पटक कार्यसम्पादन सम्झौता लागू – Kanika Khabar
Saturday, September 25Nepali News Portal

तानसेन नगरपालिकामा पहिलो पटक कार्यसम्पादन सम्झौता लागू

    मा प्रकाशित

कनिका खबर
मंसिर २३, पाल्पा
नेपालका सात सय ५३ स्थानीय तहमध्ये पाल्पाको तानसेन नगरपालिकाले पहिलो पटक कार्यसम्पादन सम्झौता गरेको छ । मंसिर १७ गते नगरप्रमुख र प्रमुख प्रशासकीय अधिकृत तथा प्रमुख प्रशासकीय अधिकृत र शाखा प्रमुखहरुबीच कार्यसम्पादन सम्झौता गरिएको भएको हो । आर्थिक वर्ष २०७७÷०७८ को शुरु अर्थात् श्रावण महिनामै कार्यसम्पादन सम्भौता गर्ने योजना भए पनि कोरोना महामारीका कारण काम गर्न नपाउँदा ढिलाई भएको हो । नेपाल सरकारका पूर्व मूख्यसचिव डा. सोमलाल सुवेदी नेतृत्वको टोलीले तानसेनमा आएर अध्ययन अनुसन्धान गरेपछि कार्यसम्पादन सम्झौताको खाका तयार गरिएको थियो । नेपालको कानूनमै प्रत्येक पालिकाहरुले कार्यसम्पादन सम्झौता गर्नुपर्ने बाध्यकारी व्यवस्था गरिएको छ । जसले कर्मचारीको कामको मापन तथा मूल्याङ्कन गर्न, काम प्रभावकारी बनाउन, जवाफदेहिता र मितव्ययिता कायम गर्न महत्वपूर्ण भूमिका खेल्ने नगरप्रमूख अशोक कुमार शाही बताउनुहुन्छ । प्राय स्थानीय तहका जनप्रतिनिधि र कर्मचारीबीच तालमेलको अभाव देखिन्छ भने कर्मचारीको छिटो छिटो सरुवा हुने समस्याले कतिपय कामहरु प्रभावित हुनसक्ने बताईन्छ । तर नगरप्रमूख शाही भने कार्यसम्पादन सम्झौता निरन्तर रुपमा लागू भइरहने दाबी गर्नुहुन्छ । नगरपालिकाका प्रमूख प्रशासकीय अधिकृत डिल्लीराज बेल्बासे भने कुनै पनि कर्मचारीलाई निश्चित अवधीसम्म एकै ठाउँमा काम गर्न दिनुपर्ने बताउनुहुन्छ । कर्मचारीहरु सरुवा भइरहँदा कार्यक्रमहरु कार्यान्वयनमा समस्या आउने उहाँको भनाई छ । नगरपालिकाको सबै शाखाका प्रमूखहरुबाट आफूले १ वर्षमा गर्ने कामको प्रतिबद्धता मागेर कार्यपालिकाबाट स्वीकृत गराईएका कामहरु कार्यसम्पादन सम्पादन सम्झौतामा राखिएको छ । भरखरै अभ्यास थालिएको सम्झौताले आफ्नो जिम्मेवारी बहन गर्न ठूलो मद्दत पुग्ने कर्मचारीहरुको बुझाई छ । कार्यसम्पादन सम्झौताभित्र प्रत्येक शाखाले गर्ने कामको विवरण, आवश्यक पर्ने श्रोत, नीतिगत विषय, लक्ष्य तथा उद्देश्य, सूचकसहितको कृयाकलाप, जोखिमका पक्षहरु, कामको मापन गर्ने आधार, अंकभार आदि समेटिएका छन् । हरेक कर्मचारीले काम गरिसकेपछि ति कर्मचारीको कार्यसम्पादन मूल्याङ्कन गर्न माथिल्लो ओहोदाको कर्मचारीले नम्बर दिने व्यवस्था गरिएको छ ।

"कानिका खबर डट कम"

याे नेपाली भाषाकाे डिजीटल पत्रिका हो । हामी तपाईहरुका सामु छुटै महत्वको साथ समाचार पस्कदै छाैं । हामी सधैं तपाईको सल्ला र सुझावकाे लागी अपेक्षा गर्दछाैं । हामीलाई पछ्याउनुभएकोमा धन्यवाद । हरपल तपाइको समाचार साथी कानिका खबर  [Email : [email protected]]

     
प्रतिक्रिया दिनुहोस्