श्रीकान्त झा
माघ ७, जनकपुरधाम ।
धनुषा प्रहरीले दुई थान कटुवा पेस्तोलसहित एक जनालाई पक्राउ गरेको छ । हिजो जनकपुरधाम उप–महानगरपालिका १९ स्थित ५२ विगहाबाट प्रहरीले कटुवा पेस्तोलसहित लक्ष्मीनियाँ गाउपालिका १ सोहनीका १८ वर्षका विबेक यादवलाई पक्राउ गरेको हो ।
विशेष सुचनाको अधारमा उनलाई पक्राउ गरिएको धनुषाका प्रहरी नायव उपरीक्षक मकेन्द्र मिश्रले जानकारी दिनुभयो । उहाँका अनुसार यादवको साथबाट दुई थान पेस्ताल र गोली बरामद भएको छ ।
पक्राउ परेका यादवमाथि आवश्यक अनुसन्धान तथा कारबाही अगाडी बढाइएको पनि उहाँले बताउनुभयो ।