माघ ७, काठमाडौँ ।
भारत सरकारले नेपाललाई १० लाख डोज कोरोना भाइरसविरुद्धको खोप अनुदान दिएको छ ।स्वास्थ्य तथा जनसंख्या मन्त्री हृदयेश त्रिपाठीले आज आयोजित पत्रकार सम्मेलनमा यस्तो जानकारी दिनुभयो ।
अनुदानको खोपभोली देखि नै आउन थाल्ने पनि उहाँले बताउनुभयो । पहिलो चरणमा स्वास्थ्यकर्मी, एम्बुलेन्स चालक र सुरक्षाकर्मीलाई खोप दिइने मन्त्री त्रिपाठीले बताउनुभयो ।
मन्त्री त्रिपाठीले खोप ल्याउने सबै तयारी पूरा भएको पनि बताउनुभयो । खोप अनुदानमा दिएकामा भारत सरकारलाई उहाँले धन्यवाद पनि दिनुभयो । यो नेपाल र भारतबीचको मित्रताको अनुपम उदाहरण भएको उहाँले बताउनुभयो ।
आगामी दिनमा खोपको खरिदमा भारत सरकारको सहयोग अत्यन्त महत्वपूर्ण हुने पनि उहाँले बताउनुभयो नेपालले खोप खरिदको पनि तयारी गरिरहेको र त्यसका लागि आर्थिक र प्रशासनिक कुनै जटिलता नरहेको दावी पनि उहाँले गर्नुभयो ।