कनिका खबर
फागुन १४, दाङ ।
घाेराही नगर प्याब्सनकाे आयाेजनामा संस्थागत विद्यालयहरूकाे आधारभूूूत तहकाे नगरस्तरीय हाजिर जवाफ प्रतियाेगिता सम्पन्न भएको छ ।
घाेराही उपमहानगरपालिमा रहेका दुई दर्जन बढी संस्थागत विद्यालयकाे सहभागिता रहेकाे थियाे ।
ृ
प्रतियोगितामा गुरूकुल एकेडेमी घाेराहीका संयम थापा, शुभेच्छा पाैडेल र शुभम पाेख्रेल प्रथम, मेचीकाली बाेर्डिङ स्कुल घाेराहीका उमंग चन्द, विजय वली र माया जि.एम. द्वितीय र स्वर्गद्वारी इङ्लिस बाेर्डिङ स्कुल नारायणपुरका आशिष चाैधरी, साैरभ पाैडेल र एञ्जल के.सी. तृतीय भएका थिए ।
घाेराही नगर प्याब्सनका अध्यक्ष वीरेन्द्र चन्दकाे अध्यक्षता तथा केन्द्रीय सदस्य यादव गिरीकाे प्रमुख आतिथ्यतामा कार्यक्रम सम्पन्न भएकाे थियाे । क्विज मास्टरकाे भूमिका मेचीकाली बाेर्डिङ स्कुलका इञ्चार्ज नवराज देवकाेटा खत्रीले निभाएका थिए । कार्यक्रमकाे सहजीकरण सचिव सूर्यबहादुर रावतले गरेका थिए ।
