शिवु खनाल
देउखुरी, २० फागुन ।
महाशिवरात्री पर्वको अवसरमा दाङ देउखुरीको जखेरा तालमा सांस्कृतिक कार्यक्रम हुने भएको छ । लुम्बिनी प्रदेशको प्रसिद्ध पर्यटकीय क्षेत्र लमहीको जखेरातालमा महाशिवरात्री अवसरमा एकदिने सांस्कृतिक कार्यक्रम संचालन हुन लागको जखेराताल शिवालय धार्मिक पर्यटन विकास प्रतिष्ठानका महासचिव लोकमणि बन्जाडेले (लेलिन)ले जानकारी दिनुभयो ।
स्थानीय कला, संस्कृति र सम्पदाको संरक्षण गर्नका लागि उक्त कार्यक्रमको आयोजना गरिएको प्रतिष्ठानका महासचिव बन्जाडेले बताउनुभयो । कार्यक्रममा अलिहे चर्चित बहुप्रतिभाकी धनी लोक तथा दोहोरी गायिका ज्योति मगरको कार्यक्रममा बेजोड प्रस्तुति रहने आयोजकले जानकारी दिएको छ ।
फागुन २७ गते हुने सांस्कृतिक कार्यक्रममा कलाकार ज्योती मगर, विक्रम राना, थारु गायक दोषहरण चौधरी, गायिका वसन्ती चौधरी, मोडेल अभिमान चौधरी तथा डिक्र्यु डान्स समुह र देउखुरी डान्सिङ एण्ड सिङ्गीङ् स्टारको सम्पूर्ण टिमले सांस्कृतिक कार्यक्रमम प्रस्तुति गर्ने आयोजकले जनाएको छ ।
कार्यक्रममा दाङ जिल्लाको ख्याती प्राप्त गायक तथा मोडेल अनुप बुढाले उक्त कार्यक्रमको प्रस्तोता गर्नुहुने भएको छ । बुढा दाङ जिल्लामा रहेर छोटो समयमा धेरै स्रोताहरुको मनमा बस्न सफल हुनु भएको हो ।
