मा प्रकाशित
कनिका खबर
बैशाख ७, दाङ ।
दाङमा हाइसले मोटरसाईकललाई ठक्कर दिदा एक बालकको मृत्यु भएको छ भने आमा–बुबा घाइते भएका छन ।
जिल्ला प्रहरी कार्यालय दाङका अनुसार मृत्यु हुनेमा तुलसीपुर उपमहानगरपालिका–६ मोतिपुर निवासी ८ वर्षका बालक स्पर्श आचार्यको मृत्य भएको हो ।
मृतक बालकका बुवा ३९ वर्षका सुदिप आचार्य र आमा २८ वर्षकी पार्वता आचार्य घाइते हुनुभएको छ । पश्चिम दाङको सितापुरबाट तुलसीपुर आउँदै गरेको रा ५ प ५६०४ नम्बरको मोटरसाईकललाई तुलसीपुरबाट हापुरे जाँदै गरेको भे१ज १००२ नम्बरको हाइसले बबई गाउँपालिका–६ पञ्चकुलेको ओरालोमा ठक्कर दिदा दुर्घटना भएको थियो । घाइतेको राप्ती प्रादेशिक अस्पताल तुलसीपुरमा उपचार भइरहेको प्रहरीले बताएको छ ।
