बैशाख ११, काठमाडौँ ।
नेपाली राष्ट्रिय क्रिकेट टिमले त्रिकोणात्मक टी २० क्रिकेट सिरिजको उपाधि जितेको छ । नेदरल्यान्डसलाई कीर्तिमानी एक सय ४३ रनले हराउँदै नेपालले करिव ११ बर्षपछि घरेलु मैदानमा अन्तराष्ट्रिय क्रिकेटका उपाधि जित्न सफल भएको छ ।
कीर्तिपुर स्थित टियू मैदानमा टस हारेर ब्याटिङको निम्तो पाएको नेपालले २० ओभरमा विकेट गुमाउँदै दुई सय रन बनायो । नेपालले सन् २०१९ मा नेपालमा भएको १३ औं दक्षिण एसियाली खेलकुद सागमा भुटानविरुद्ध दुई सय ३६ रन बनाएको थियो । जुन त्यो बेला नेपालले बनाएका सर्वाधिक उच्च स्कोर थियो ।
जवाफमा नेदरल्यान्ड १७ ओभर एक बलमा मात्र ९६ रनमा अल आउट भयो । नेपालले टी २० अन्तराष्ट्रियमा निकालेको यो जित रनका आधारमा अहिलेसम्मकै ठूलो हो ।