मा प्रकाशित
बैशाख १५, काठमाडौँ ।
नेपाली राष्ट्रिय क्रिकेट टिमका ओपनर कुशल भुर्तेलले आईसीसी टी – २० वरीयतामा ३२ स्थान सुधार गर्दै ६१ औं स्थानमा आइपुग्नुभएको छ ।
आईसीसीले आज अपडेट गरेको नयाँ वरीयता अनुसार ब्याट्सम्यानतर्फ भुर्तेल ६१ औं स्थानमा आइपुग्नुभएको हो । यसअघि उहाँ पहिलो पटक शीर्ष सयमा समावेश हुँदा ९३ औं स्थानमा हुनुहुन्थ्यो ।
नेपालमै भएको त्रिकोणात्मक टी – २० सिरिजमा डेब्यु गर्दै उत्कृष्ट ब्याटिङ गरेपछि भुर्तेल वरीयतामा समावेश हुनुभएको थियो । सिरिजको उपाधि नेपालले जित्दा सर्वाधिक २ सय ७८ रन बनाउनुभएका उहाँले वरीयतामा धेरै स्थान सुधार गर्नुभएको हो । नेपालका कप्तान ज्ञानेन्द्र मल्ल ९४ औं स्थानमा हुनुहुन्छ भने उपकप्तान दीपेन्द्र सिंह ऐरी १ सय८ औं स्थानमा हुनुहुन्छ ।
