बैशाख २६, दाङ ।
आज आइतबारका लागि डाकिएको संवैधानिक परिषदको बैठक बालुवाटारमा जारी छ ।
परिषदका अध्यक्ष तथा प्रधानमन्त्री ओलीले आजका लागि बै७क डाकेका थिए । बैठकमा प्रधानन्यायाधीश चोलेन्द्र शम्शेर जबरा पनि सहभागी छन् ।
गत मङ्सिर ३० मा अध्यादेशमार्फत गरिएका नियुक्तिकाविरूद्धका मुद्दा प्रधानन्यायाधीश नेतृत्वकै संवैधानिक इजलासमा रहेपछि उनलाई बैठकमा नजान कानूनविदहरूले दबाब दिइरहेका थिए ।
सर्वोच्चमा विचाराधिन अवस्थामा रहेकै मुद्दा १७ पटकसम्म स्थगित भइरहँदा प्रधानन्यायाधीश बैठकमा सहभागी हुन नमिल्ने तर्क कानूनविदहरूले गरेका थिए ।
बैठकमा प्रमुख प्रतिपक्षी दलका नेता एवं कांग्रेस सभापति शेरबहादुर देउवा र सभामुख अग्नी सापकोटा भने सहभागी छैनन् ।
परिषद्को अध्यक्षमा प्रधानमन्त्री र सदस्यहरुमा सभामुख, उपसभामुख, राष्ट्रियसभाका अध्यक्ष, प्रधानन्यायाधीश तथा प्रमुख प्रतिपक्षी दलका नेता रहन्छन् ।