पार्वती न्यौपाने
जेठ ३, देवदह ।
पछिल्लो समय कोरोना भाइरसको सङ्क्रमणका विरामी बढिरहेको भन्दै देवदह नगरपालिका–७लाई आजदेखि ५ दिन बन्द गरिने भएको छ । विश्व महामारीको रूपमा फैलिरहेको कोरोना भाइरस सङ्क्रमणबाट देवदह–७, माविरामी बढिरहेको र मृतकको सङ्ख्या पनि बढेको भन्दै वडालाई ५ दिन सिल गर्ने निर्णय गरेको वडा अध्यक्ष पदम थापाले बताउनुभयो ।
नेपाल सरकारले कोरोना भाइरस सङ्क्रमण रोकथाम र नियन्त्रणकोे लागि निषेधाज्ञा लागु गरेको भए पनि मानिसहरुको आवातजावत नरोकिएको भन्दै वडालाई सिल गर्ने निर्णय भएको वडाअध्यक्ष थापाले बताउनुभयो । ५ दिनको अवधिमा विकास निर्माणका कामसमेत ठप्प हुने जनाइएको छ । रुपन्देहीको देवदहमा कोरोना सङ्क्रमणका कारण पछिल्लो २४ घण्टामा ३ जनाको मृत्यु भएको छ ।