जेठ ३, दाङ ।
घोराहीका एक युवाले विरामीको ज्यान जोगाउने अक्सीजन सिलिन्डरका लागि आवश्यक पर्ने रकम तथा अक्सिजन सिलिन्डर जिल्लामा ल्याउन अहाेरात्र लागिपरेका छन् ।
घोराही निवासी युवा व्यवसायी सुरज वुढाथोकीकाे दिनचर्या सिलिन्डरकाे व्यवस्थापनमै बितेकाे छ ।
व विहान उठेदेखि रातिसम्म पनि उनी सामाजिक सञ्जाल तथा टेलिफोन मार्फत अक्सिजन सिलिन्डरका लागि रकम जोहो गर्ने गरेका हुन्छन् । सहयाेगी मनबाट प्राप्त भएकाे रकमबाट दाङ जिल्ला उद्योग वाणिज्य संघको सहकार्यमा देशका विभिन्न स्थानबाट नयाँ अक्सिजन सिलिन्डर ल्याउने अनि रिफिल गर्नेमा उनी तल्लीन देखिन्छन् । जसले धेरै विरामीको ज्यान समेत जोगाउन सफल भएको छ ।
` याे विपदकाे बेला हाे, यतिबेला राज्यकाे मुख ताकेर बस्ने अवस्था छैन । राज्यकाेे बाटाे कुर्दा समस्या समाधान हुन अबेर हुन सक्छ । हामीले नागरिक हुनुकाे जिम्मेवारी बहन गर्ने भनेकाे यस्तै बेला हाे । सकेसम्म अक्सिजनकाे जाेहाे गर्ने र विरामीकाे ज्यान बचाउने बेला हाे याे ।´ उनले भने ।
महामारीमा सानो भए पनि सहयोग पुगोस भन्र यस अभियान सञ्चालन गरिएको उनको भनाइ रहेको छ । यसमा धेरैकाे सहयाेग समेत रहेकाे उनले बताए ।