मा प्रकाशित
जेठ ३, दाङ ।
पत्रकार लक्ष्मण बस्नेत (हापुरे) को निधन भएको छ । युनिभर्र्सल मेडिकल कलेजमा भैरहवामा उपचाररत बस्नेतको आज मृत्यु भएको हो । उनको आइसियु कक्षमा उपचार भइरहेको थियो ।
उनको भैरहवा स्थित युनिभर्सल मेडिकल कलेजको आइसियु कक्षमा उपचार भइरहेको थियो । उनको कोरोना रिपोर्ट भने नेगेटिभ थियो । कोरोना संक्रमित रहेका उनको ६ दिन अघि मात्रै रिपोर्ट नेगेटिभ आएको थियो । तर, स्वास्थ्यमा सुधार नआएपछि उनलाई अस्पतालमै राखेर उपचार जारी राखिएको थियो । उनमा निमोनिया र स्वासप्रस्वासमा भने समस्या थियो ।
नेपाल पत्रकार महासंघ दाङ शाखाका साधारण सदस्य रहेका बस्नेत रेडियो हापुरेमा कार्यरत थिए । कोरोनाकै कारण हिजो उनको बुबाको पनि निधन भएको थियो ।
