जेठ ३, काभ्रे ।
जिल्लाको बनेपा नगरपालिकामा कोरोना सङ्क्रमणको दर बढेसँगै सबै क्षेत्र शिल गरिएको छ । आज नगर प्रमुख लक्ष्मी नरसिंह वादेलेभोलि राति १२ बजेदेखि जेठ १२ गते १२ बजे रातिसम्म बनेपा शिल गरिने जानकारी दिनुभयो ।
नगर क्षेत्रमा अत्यन्तै जोखिमपूर्ण अवस्था भएकोले सङ्क्रमणको दर कम गर्नका लागि बसेको सरोकारवालाको बैठकले यस्तो निर्णय गरेको उहाँले बताउनुभयो । उहाँले एक सूचना जारी गर्दै औषधि र अस्पताल बाहेकका खाद्यान्न, तरकारी, फलफूल पसल तथा व्यवसाय, बैंक तथा वित्तीय संस्थाले प्रदान गर्ने सबै सेवा पूर्ण रुपमा बन्द रहने पनि जानकारी दिनुभयो ।