कपिल लामिछाने
तुलसीपुर, ५-जेठ/
तुलसीपुर उपमहानगरपालिका वडा नं. १८ ले घरमै पुगेर स्वाब संकलन गर्ने गरेको छ । पीसीआर टेस्टको लागि घोराही तुलसीपुर जानु पर्ने जनताको बाध्यतालाई मध्येनजर गर्दै तुलसीपुर स्थित मेट्रोसिटी पोलिक्लिनिकसंग समन्वय गरेर आजबाट यस्तो अभियान सुरु गरिएको हो ।
वडा अध्यक्ष वलीका अनुसार यसले लकडाउनको समयमा नागरिकलाई सहज, बनाउनुकासाथै अशक्त, असहाय र घरको आर्थिक अबस्था कमजोर हुनेहरुकालागि सहज भएको छ । यसमा वडाले लाग्ने सम्पूर्ण खर्च व्यहोरेको छ । कोरोनासंग मिल्दो जुल्दो लक्षण भएकाहरुलाई यसरी घरमै गएर स्वाब संकलन गर्न थालिएको हो ।
अहिले लक्षण देखिएपनि घरमै बस्ने, स्वाब परीक्षण नगर्ने गरेको पाईएपछि यस्तो अभियान सञ्चालन गरिएको वडा स्थित नगरस्वास्थ्य केन्द्रका ईचार्ज डिल्ली शर्माले बताए । आफ्नो वडा मात्रै नभई छिमेकी वडामा पनि स्वाब संकलन गरिएको उनको भनाई छ । आज तुलसीपुर १८ का ८ जना, तुससीपुर १७ का २ जना र तुलसीपुर १९ का १ जना गरि जम्मा ११ जनाको स्वाब संकलन गरिएको हो ।
