एजेन्सी ।
भारतमा कोरोना भाइरसको सङ्क्रमण दर तुलनात्मक रुपमा कम हुँदै गएको छ । बिगतका केही दिन
यता भारतमा सङ्क्रमति हुनेहरुको दर घटिरहेको हो ।
तर पछिल्लो केही दिनयता घट्दो क्रममा रहेको छ । तर मृत्यु हुने दर भने घटेको छैन । पहिले नै सङ्क्रमित भएकाहरुको अवस्था गम्भिर भएका कारणले मृत्यु हुनेहरुको सङ्ख्या नघटेको चिकित्सकहरुले बताएका छन् ।
कोरोना सङ्क्रमणका कारण भारतमा पछिल्लो २४ घण्टामा ४ हजार २ सय ९ जनाको मृत्यु भएको छ भने २ लाख ५९ हजार २६९ जना नयाँ सङ्क्रमित थपिएका छन् । हालसम्म भारतमा कोरोनाले मृत्यु हुनेको संख्या २ लाख ९१ हजार ३६५ पुगेको छ ।
भारतमा हालसम्म कुल सङ्क्रमितको संख्या २ करोड ६० लाख ३० हजार नाघेको छ । भारतमा अहिले पनि ३० लाख ३३ हजार बढी सक्रिय सङ्क्रमित रहेका छन् ।