जेठ ८, काठमाडौँ ।
प्रतिनिधिसभाको विघटन गरी मध्यावधि निर्वाचनको घोषणा भएपछिको रणनीतिका बारेमा छलफल गर्न नेपाली काँग्रेसको पदाधिकारी बैठक आज बस्दै छ ।
सरकारको सिफारिसमा राष्ट्रपति विद्यादेवी भण्डारीले संसद विघटन गरेर चुनावको मिति घोषणा गरेपछि काँग्रेसले छलफल गर्न लागेको हो । सभापति शेरबहादुर देउवा निवास बुढानीलकण्ठमा बिहान ९ बजेका लागि बोलाइएको बैठकमा पूर्वपदाधिकारीहरुलाई पनि बोलाइएको छ ।
नेता प्रकाशसरण महतका अनुसार राष्ट्रपति र प्रधानमन्त्रीको कदम र भावी रणनीतिका बारेमा बैठकमा छलफल हुनेछ । पार्टी सभापति शेरबहादुर देउवाले बहुमत सांसदहरूको हस्ताक्षरसहित प्रधानमन्त्रीमा हिजो दाबी गरे पनि राष्ट्रपतिले त्यसलाई अस्वीकार गर्नुभएको थियो ।