जेठ ८, काठमाडौँ ।
प्रधानमन्त्री केपीशर्मा ओलीले राष्ट्रपतिका लागि नेपाली काँग्रेसका सभापति शेरबहादुर देउवाले प्रयोग गरेको भाषाप्रति आपत्ति जनाउनुभएको छ ।
आज बालुवाटारमा आयोजित बुद्धिबहादुर रायमाझीको ‘पञ्चायती जेलमा १३ वर्ष’ नामक पुस्तक बिमोचन कार्यक्रममा प्रधानमन्त्री ओलीले जसले लोकतन्त्र मान्दैन, उनीहरुले आफूलाई लोकतन्त्रको हिमायती बनेर नक्कली कुरा गरिहेको बताउनुभयो ।
देशलाई अराजकता र असभ्यतातिर लैजान खोजेको भन्दै उहाँले प्रमुख प्रतिपक्ष दलका नेता नेपाली काँग्रेसका सभापति शेरबहादुर देउवाको औपचारिक वक्तव्य हेरेको र राष्ट्रपतिलाई तपाईसम्म भन्न सभ्यता नेपाली काँग्रेसमा नदेखिएको भन्दै आलोचना गर्नुभयो ।