जेठ १२, दाङ ।
दाङकाे तुलसीपुरमा एक स्कारपियाेले ठक्कर कारलाई ठक्कर दिदा पत्रकार महासंघ दाङ शाखाका पूर्व अध्यक्ष सुदीप गाैतम घाइते भएका छन् ।
तुलसीपुर उद्योग बाणिज्य संघ जाने सडक चोकमा रा१च ९५५ नम्बरको स्कारपियोले प्रदेश ३–०१०२२च ९२२६ नम्बरको कारलाई दिएकाे हाे ।
पत्रकार गौतमको टाउकोमा चोट लागेको छ । गौतमको राप्ती प्रादेशिक अस्पताल तुलसीपुरमा उपचार भइरहेको ईलाका प्रहरी कार्यालय तुलसीपुरका डिएसपी शिवबहादुर सिंहले जानकारी दिनुभयो ।
कारमा नेपाल पत्रकार महासंघका केन्द्रीय अध्यक्ष विपुल पोख्रेल, नेपाल पत्रकार महासंघ दाङका अध्यक्ष दुर्गालाल केसी, उपाध्यक्ष सन्तोष सुवेदी लगायतको टोली चढेको थियो ।
पत्रकारको टोली नेपाल पत्रकार महासंघ दाङका साधारण सदस्य हेमन्त शर्मालाई भेटेर फर्किदै थियो । ठक्कर दिने गाडीलाई ईलाका प्रहरी कार्यालय तुलसीपुरमा राखिएको छ ।