एजेन्सी ।
कोरोना भाइरसको उत्पति र उत्दगमस्थलबारे अध्ययन गर्न गुप्तचर निकायहरुलाई अमेरिकी राष्ट्रपति जो बाइडेनले आदेश दिनुभएको छ । कोरोना भाइरसको उत्पतिबारे विवाद र आशङ्का बढ्दै गएका बेला अमेरिकी राष्ट्रपति बाइडेनले ९० दिनभित्र अध्ययन गरिसक्न गुप्तचर निकायका प्रमुखहरुलाई आदेश दिनुभएको हो ।
आफ्नो अध्ययन क्षमता र गतिलाई दोब्बर बनाएर ९० दिनभित्र आफूलाई ब्रिफिङ्ग गर्न बाइडेनले गुप्तचर तथा कूटनीतिक निकायलाई वक्तव्यमार्फत निर्देशन दिनुभएको अन्तर्राष्ट्रिय सञ्चार माध्यमले जनाएका छन् ।
गएको महिना विश्व स्वास्थ्य संगठनले चिनियाँसहित अन्तर्राष्ट्रिय अनुसन्धानकर्ताको प्रतिवेदन सार्वजनिक गर्दै प्रयोगशालाबाट कोरोनाभाइरस मानिसमा सरेको हुन सक्ने सम्भावना अतिदुर्लभ रहेको बताएको थियो ।